KINARA

Katibu wa Itikadi na Uenezi wa CCM, Humphrey Polepole amemponda aliyekuwa Mbunge wa Singida Kaskazini, Lazaro Nyalandu akisema walishamweka pembeni kwa kuwa hakuwa mtu wa muhimu kwao. Akizungumza jana Jumatatu usiku katika kipindi cha Msemakweli kinachorushwa na Channel Ten, Polepole aliyekuwa akizungumzia mafanikio ya Rais John Magufuli kwa kipindi cha miaka miwili, alimtakia heri Nyalandu huku pia akisema amejimaliza mwenyewe. “Ameondoka mwanachama mmoja wa CCM leo (jana) amekwenda upinzani. Katiba yetu hii ya Jamhuri ya Muungano inasema kila mtu ana uhuru wa kujiunga na chama chochote. Tunaheshimu uamuzi wake, tunamkatia heri katika chama anakokwenda,” alisema Polepole. “Aliyeondoka leo ni ‘very insignificant’ yaani kwa Kiswahili hatujaona utofauti. Ndiyo maana sisi tumetoa maelekezo kwa Serikali kwamba, watu ambao hawakuweza kutukimbiza katika awamu ya tano kwenye maendeleo ya Taifa letu kwenye uongozi wa awamu ya tano wawekwe benchi kwanza. Sasa wamewekwa benchi,” ...

Mbunge huyo wa Kigoma mjini, alikamatwa mara ya kwanza asubuhi ya Jumanne nyumbani kwake mjini Dar es salaam na kupelekwa kituo cha polisi Chang'ombe. Baada ya masaa kadhaa mbunge huyo aliachiliwa huru kabla ya kukamatwa tena. Wakili wa Bwana Kabwe, Stephan Ally Mwakibolwa anasema sababu zilizotajwa kwa kushikwa kwake ni kutoa maneno yanayodaiwa kuwa ni ya uchochezi. "Kauli kubwa haswa wanayosema ni kuihusisha serikali ya CCM na matukio ya watu waliookotwa katika fukwe za ba hari ya hindi wakiwa wamefariki ,pamoja na tukio la mbunge Tundu Lissu" Bwana Kabwe sasa amepelekwa katika kituo cha polisi cha Kamata mjini Dar es salaam.

Mwandishi wa habari Alinanuswe Edward akihojiana na Mama mmoja katika eneo la machimbo ya dhahabu ya Dilifu mkoani Katavi-Tanzania (Mpiga picha wetu Haruna Juma) . Kumeshuhudiwa athari kadha wa kadha  katika utumikishwaji wa watoto , licha ya mikakati kabambe ya serikali kukomesha suala hili. Vijana wa umri chini ya miaka 18 wakiwa katika eneo maalumu litumikalo kuchenjulia dhahabu kwa hatua ya pili baada ya (Mpiga picha wetu Haruna Juma) Hapa ni mkoani Katavi  umbali wa  KM 15 kutoka Mpanda mjini eneo linajulikana kama Dilifu Machimboni  watu wazima hufanya kazi ya machimbo  ya Madini aina ya dhahabu na watoto ambao wamejiajiri katika eneo hili na wengine kuajiriwa.

Na Mussa Mbeho,Tabora. Wakazi wa mtaa wa Kalamata katika kata ya Chemchem Halamshauri ya Manispaa ya Tabora wamelalamikia kuwepo kwa dimbwi lililojaa  maji  hali ambayo inahatarisha usalama wa wakazi hao hasa watoto   Malalamiko hayo yametolewa na baadhi ya wakazi wa mtaa huo wakati wakizungumza na Mpanda  fm mapema hii leo Wamesema Dimbwi hilo limekuwa ni  kero  kubwa kwao ambapo mpaka sasa watu watano wametumbukia na kuumia vibaya. Aidha Mpanda  fm imemtafuta mwenyekiti wa serikali ya mtaa wa kalama  Mufti Hamidu Rashidi na kuzungumza nae juu ya  mipango ya kulifukia Dimbwi hilo ambapo amesema wako katika mipamgo ya kurekebisha  eneo hilo . Kwa upande wake Diwani wa kata ya chemchem Bi Rehema Kabata amesema mbali na kulifukia dimbwi hilo wanatarajia kuweka daraja katika eneo hilo ili kuondoa  kero hiyo kwa wakazi hao . Kwa mujibu wa Diwani huyo barab...

Mkurugenzi mtendaji wa Manispaa ya Mpanda Michael Nzyungu ameagiza kuajiriwa kwa baadhi ya maafisa kata wa muda katika baadhi ya Kata. Amesema hayo katika kikao cha baraza la madiwani kilichofanyika jana katika ukumbi wa Manispaa ya Mpanda alipokuwa akijibu baadhi ya maswali yaliyo ulizwa na Waheshimiwa madiwani kuhusu tatizo hilo. Katika hatua nyingine amezitaja baadhi ya sababu zilizopelekea upungufu wa watendaji hao kuwa ni baadhi yao kukumbwa na sakata la watumishi wenye vyeti feki. Baraza la Madiwani linaendelea leo ambapo Madiwani watawasilisha mapendekezo mbali mbali ya utekelezwaji wa bajeti katika kata zao.

Singida.  Chama cha Mapinduzi (CCM) Mkoa wa Singida kimesema sababu zilizotolewa na aliyekuwa Mbunge wa Singida Kaskazini, Lazaro Nyalandu za kuacha ubunge hazina mashiko, isipokuwa kilichomsukuma kufukia uamuzi huo ni hasira za kukosa uwaziri. Katibu wa CCM mkoani Singida, Jamson Mhagama alisema jana Jumatatu Oktoba 30,2017 kuwa, “Kwa maono yake ameona siasa za nchi haziendi vizuri na kuamua kwenda kusaka siasa zitakazompendeza, tunamtakia kila la kheri. Ila tunamwonya kuwa asitarajie tena kupata ubunge kupitia Chadema anakolilia kwenda, CCM itashinda kwa kishindo katika uchaguzi mdogo ujao,” alisema. “Wananchi walimwamini Nyalandu katika vipindi vyote vinne kwa kumpa kura za kutosha za nafasi ya ubunge. Kupitia kura hizo, Nyalandu amesifika na kujulikana kila kona sasa ameamua kuwapa kisogo wakazi wa jimbo la Singida Kaskazini, jina lake linaenda kufutika na hatasikika tena,” amesema Mhagama.

Hatua hiyo imekuja baada ya Mbunge mmoja wa nchini humo, Lord Peter Hain, kusema huenda benki hizo bila kujua zilihusika na utakatishaji wa fedha. Mbunge huyo amedai kuwa, fedha haramu Paundi milioni 400 huenda zilihamishwa na benki hizo na kuhofia kwamba, fedha hizo zinahusika na Rais Jacob Zuma na familia ya kitajiri ya Afrika Kusini ya Gupta. Lord Hain amemwandikia barua Waziri wa Fedha, Philip Hammond, na kutaja majina ya watu 27 na makampuni ambayo yanahusishwa na kashfa hiyo ya rushwa

Utafiti wa kimataifa uliofanywa umekadiria kwamba uchafu ndio chanzo cha vifo vya watu milioni tisa duniani kote katika kipindi cha mwaka 2015. Utafiti uliochapishwa katika jarida la Lancet umechanganua taarifa za dunia kuhusiana na magonjwa yaliyosababishwa na uchafu wa mazingira kama vile magonjwa ya moyo na magonjwa ya kupooza. Vifo hivyo vya mapema vinaelezwa kuweka asilimia 16 ya vifo duniani kote. Uchafuzi wa anga ndio sababu kubwa, ikifuatiwa na uchafuzi wa maji. Utafiti huo unaonesha kuwa karibu asilimia kubwa ya vifo hivyo vinavyotokana na uchafuzi vimetokea katika nchi zenye kipato cha chini na kati.

Rais Uhuru Kenyatta wa Kenya amemfungulia mashtaka ya kudharau Mahakama kiongozi wa Muungano wa Upinani Nchini humo, Nasa, Raila Odinga. Kwa mujibu wa gazeti la Daily Nation, Rais Kenyatta amefungua mashtaka hayo katika Mahakama ya Juu, ambapo Katibu Mkuu wa chama tawala cha Jubilee, Raphael Tuju, ameushutumu upinzani wa Nasa, kwa kutatiza mafunzo ya maafisa wa uchaguzi kwenye ngome kuu za Odinga magharibi mwa nchi hiyo. Kesi hiyo ni mfululizo wa hali ya sintofahamu kabla ya kufanyika kwa uchaguzi wa marudio wa Urais Oktoba 26. Upinzani umekuwa ukishinikiza kufanyika kwa mabadiliko ndani ya Tume ya Uchaguzi na Mipaka, hasa ukiwalenga maafisa wa tume hiyo wanaotuhumiwa kuvuruga uchaguzi uliobatilishwa wa Agosti nane mwaka huu. 

Baraza la Mitihani Taifa NECTA limetangaza matokeo ya kuhitimu elimu ya msingi mwaka 2017, na kusema kuwa ufaulu umeongezeka kwa 2.4% ukilinganisha na ule wa mwaka jana 2016. aarifa hiyo imetolewa na Katibu Mtendaji wa wa NECTA Dkt. Charles Msonde, na kusema kuwa watahiniwa 662,035 kati ya 909,950 waliofanya mtihani huo wamefaulu kwa kupata alama 100 na zaidi, kati ya alama 250 ambazo walitakiwa kupata. Dkt. Msonde ameendelea kusema kwamba kati ya waliofaulu wasichana ni 341 020 ambayo ni sawa na 70.93% na wavulana ni 321, 015, ambao ni sawa na 74.80%, na idadi ya watahiniwa wote waliofaulu ni sawa na asilimia 72.76%. Katibu Mkuu huyo aliendelea kwa kusema kwamba ufaulu  katika masomo ya Kiswahili, Kingereza na Hisabati umepanda kati ya 4.25% na 10.05% ukilinganisha na mwaka jana, huku masomo ya Sayansi na Maarifa ya Jamii ukishuka kati ya 3.56% na 13.97%. Sambamba na matokeo hayo pia Dkt. Msonde amezitaja shule bora zili...

KATAVI Kamanda wa polisi Mkoa wa katavi Damasi Nyanda ametoa wito kwa wananchi  kuacha tabia ya kujichukulia sheria mkononi dhidi ya watuhumiwa wa makosa mbalimbali wakati wanapowakamata. Kamanda Nyanda ametoa wito huo wakati akizungumza na wakazi wa kijiji cha Kalovya kata ya Inyonga ambapo amesema suala la kuchoma moto watuhumiwa halikubaliki badala yake watuhumiwa wafikishwe katika vyombo vya sharia. Amesema zaidi ya watu wapatao 77 wameuawa wilayani Mlele kwa kipindi cha mwaka 2015 huku mpaka kufikia mwaka huu kwa mujibu wa kamanda Nyanda watu wapatao 150 wameuawa kutokana na wananchi kujichukulia sheria mkononi. Kwa upande wa makosa ya ubakaji,kamanda Nyanda amesema mpaka mwezi Juni mwaka huu makosa 46 ya ubakaji yameripotiwa katika jeshi la polisi huku visa vya watu kujinyonga,kukutwa wamekufa navyo vikionekana kuwa katika hali ya juu.

Mbunge wa Singida Mashariki Tundu Antipas Lissu, ameongea na watanzania kwa mara ya kwanza tangu apigwe risasi, na kusema kuwa kama isingekuwa Mungu, maisha yake yangeishia Dodoma. Akiongea kutoka kwenye kitanda cha hospitali alikolazwa jijini Nairobi, Tundu Lissu amesema anamshukuru Mungu na watanzania wote waliokwenda kumuona na kumuombea.

Viongozi kutoka mataifa 12 ya bara Afrika wanatarajiwa kukutana katika mji mkuu wa Congo Brazzaville kwa mkutano wa siku mbili utakaoangazia maswala tata yanayoligubika bara hili. Mkutano huo wa kimataifa katika eneo la maziwa makuu utazungumzia migogoro kadhaa ikiwemo ile katika taifa la jamhuri ya Afrika ya kati ,Sudan Kusini, Burundi na jamhuri ya Kidemokrasi ya Congo DRC . Muhariri wa BBC barani Afrika anasema kiwango kikubwa cha fedha , rasli mali na wataalam zimetumiwa bila mafanikio katika kutataua mizozo hapo awali. Viongozi hao wa kisiasa kutoka Angola Burundi Jamhuri ya Afrika ya kati CAR ,Jamhuri ya Congo, Jamhuri ya kidemokrasi ya Congo DRC , Kenya , Rwanda, Sudan , Sudan Kusini , Tanzania, Uganda na Zambia hawajakutana katika mkutano wa kiwango kama hicho tangu mwezi Juni 2016.

Mkurugenzi wa Habari na Mawasiliano wa Timu ya Simba, Haji Manara ambaye ni mwanachama wa CCM amefunguka na kusema hajawahi kumshabiki Tundu Lissu wala CHADEMA lakini anaamini bila uwepo wake na CHADEMA basi chama chake CCM kitalala. Haji Manara amesema hayo leo baada ya kuona picha ya kwanza ya Mbunge wa Singida Mashariki Tundu Lissu akiwa hospitali jijini Nairobi nchini Kenya ambapo anapatiwa matibabu kufuatia kupigwa risasi Septemba 7, 2017 na watu wasiojulikana.  "Ohhh God,mimi sijawahi kukushabikia wewe wala chama chako ila nakuombea kwa Mungu upone haraka kaka, urudi katika harakati zako nikiamini bila uwepo wenu chama changu kitalala"   aliandika Haji Manara kupitia ukurasa wake wa Instgram.  Mbali na Haji Manara watu wengine wengi wameonyesha kufurahishwa na hali ya Tundu Lissu baada ya kumuona kupitia picha ambazo zimeanza kusambaa kwenye mitandao ya kijamii, Mbunge huyo wa Singida Mashariki anatarajiwa kupelekwa...

eshi la polisi Kanda maalum limemkamata meneja hoteli wa Peackock ya Dar es salaam, kwa kutoa ukumbi na kuruhusu watu wanaojihusisha na mapenzi ya jinsia moja kufanyia mkutano, kitendo ambacho ni kinyume na sheria. Kamanda Mambosasa ameyasema hayo leo alipokuwa akiongea na waandishi wa habari, na kusema kwamba serikali hairuhuhusu kuwepo kwa vitendo hivyo, na mtu yeyote atakayehusika kuhamasisha atachukuliwa hatua za kisheria. Sambamba na meneja hoteli huyo ambaye hakutajwa jina lake, Kamanda Mambosasa amesema watu wengine 12 wamekamtwa kufuatia tukio hilo, wakiwemo raia wa kigeni wa Afrika Kusini “Tumekamata wahalifu wengine pale Peacock ambao wanahamasisha ushoga hapa nchini, niendelee kutoa onyo kwamba kosa hilo kwetu ni kinyume na sheria, kwanza meneja wa hoteli tumemkamata kwa sababu alikuwa anajua ndio maana akatoa ukumbi, lakini pia wahusika warudi kwao wakaendelee huko kama sheria zao zinaruhusu, lakini kwa hapa nchini na kanda...

Mtoto wa aliyekuwa Waziri Mkuu wa zamani Tanzania marehemu Edward Moringe Sokoine, Kereto Sokoine ameauwa katika ugomvi ulitokea na mkewe hii leo. Kamanda wa Polisi mkoa wa Arusha Charles Mkumbo, amethibitisha tukio hilo na kusema limetokea mchana huu, hivyo jeshi la polisi lipo eneo la tukio kufuatilia kwa undani kilichojiri mpaka kuuawa kwa Kereto.

Baadhi ya Wafanyabiashara wa mazao ya mpunga Mkoani Katavi wameiomba serikali  kufungua mipaka ya biashara ili waweze kuuza mazao katika nchi jirani. Wakizungumza na Mpanda Redio Baadhi ya Wafanyabiashara hao wamesema katika kipindi hiki cha msimu wa kilimo  bei za mazao hushuka hivyo kupelekea kuuza mazao kwa bei ya hasara.     Siku chache zilizopita wakulima wa mkoa wa Rukwa    wameiomba serikali ya mkoa huo kuitangazia mikoa jirani kwenda kununua mazao ya nafaka kutokana na kukosa soko . Mnamo mwezi juni 26,2017 Waziri Mkuu wa Jamhuri ya Muungano wa Tanzania Kasim Majaliwa  alipiga marufuku usafirishaji wa mazao nje ya nchi bila Kibali kutoka serikalini.

MPANDA. KATAVI Vijana mkoani Katavi wametakiwa kutumia fursa ya machimbo ya madini ya dhahabu yaliyopo mkoani hapa  katika kujiinua kiuchumi. Hayo yamesemwa na baadhi ya wachimbaji wadogo wadogo wanaofanya shughuli hiyo katika machimbo ya dhahabu  yaliyopo katika kijiji cha Dilifu Halmashauri ya Manispaa ya Mpanda wakati wakizungumza na mpanda radio machimboni hapo. Katika hatua nyingine wachimbaji hao wamewataka vijana kupuuza maneno ya baadhi ya watu kuhusiana na kazi ya uchimbaji kutafisiriwa kuwa kazi yenye hatari zaidi.     Licha ya sehemu nyingi za wachimbaji wadogo wadogo kutokuwa rasmi, uchimbaji wa madini ni moja kati ya sekta iliyoajiri vijana wengi mkoani Katavi  

Mwenyekiti wa tume ya uchaguzi Kenya Wafula Chebukati amewashutumu wanasiasa nchini humo akisema wanatatiza maandalizi ya uchaguzi wa marudio Alhamisi wiki ijayo. Bw Chebukati amesema maandalizi ya uchaguzi huo yanaendelea vyema lakini katika mazingira ya sasa ni vigumu kuandaa uchaguzi huru na wa haki iwapo hakutakuwa na mabadiliko. Mwenyekiti huyo, ameeleza kuwa amejaribu kutekeleza mageuzi mengi kwenye maandalizi ya uchaguzi wa marudio lakini "majaribio yangu yamepingwa (kwa kura) na makamishna wengi." "Chini ya mazingira haya, ni vigumu kuhakikisha uchaguzi huru na wa kuaminika. Nina uhakika kwamba bila mabadiliko muhimu katika sekretariati huenda tusiwe na uchaguzi huru, wa haki na wa kuaminika," amesema. inawahimiza wafanyakazi wa tume ambao wametajwa sana (kuhusiana na kasoro za awali) waondoke kwenye nyadhifa zao na kutoa nafasi kwa kundi maalum la kusimamia uchaguzi kufanya kazi bila kuingiliwa." Bw Chebukati amesema hayo saa chache baa...

KATIBU WA ITIKADI NA UENEZI CCM HUMPHREY POLEPOLE Wakati Katibu wa Itikadi na Uenezi wa CCM, Humphrey Polepole akiwataka wakuu wa wilaya nchini kuwa na hekima ya kuridhika na vyeo walivyonavyo moto umeendelea kuwaka ndani ya chama hicho, baadhi ya makada na wachambuzi wa siasa kukosoa pendekezo lake la wagombea kuwa wakazi wa majimbo husika. Wiki iliyopita, Polepole alisema katika kipindi cha redio Times kuwa wanachama wanaotaka kugombea ubunge kwa tiketi ya CCM 2020, sasa watalazimika kuwa wakazi wa eneo wanalotaka kuliwakilisha, sharti ambalo linaweza kuwaondoa takriban nusu ya wabunge wa sasa. Tamko hilo la Polepole lilizua mjadala mzito jambo lililosababisha Katibu wa Halmashauri Kuu ya Taifa ya CCM Organaizesheni, Pereira Silima alitoa taarifa kueleza kuwa hakuna mahali popote katika mabadiliko ya katiba yao palipoandikwa kuwa wagombea wa udiwani na ubunge watajadiliwa kwa sifa ya kuishi jimboni. Ukiacha hilo juzi usiku katika kipindi cha ‘Tuambie’ kinachorushwa n...

MPANDA. NA Mdaki Hussein Wafanyabiashara katika soko la Mpanda Hoteli Manispaa ya Mpanda Mkoani katavi wameendelea kulalamikia miundo mbinu mibovu vyoo sokoni hapo. Mpanda redio imefika na kuzungumza na Baadhi ya wafanyabiashara sokoni hapo ambo wamesema kwa muda mrefu wamekuwa wakilalamikia suala hilo hadi sasa hawaoni viongozi wakitekeleza. Aidha wengine wameskika wakisema wamekua wakipata ahadi hewa kutoka kwa viongozi juu ya kutatua kero mbalimbali sokoni hapo kama maji na umeme. Kwa upande wake Mstaiki Meya wa manispaa ya Mpanda amewaomba wafanyabiashara hao kuwa wavumilivu kwa alichokisema wanalifanyia kazi suala hilo. Masoko mbali mbali mkoani Katavi yamekumbwa na kadhia ya miundo mbinu dhaifu kiasi cha kupelekea kukithiri kawa mararamiko hayo.

MKT WA CHADEMA FREEMAN MBOWE Mwenyekiti wa Chadema, Freeman Mbowe amesema gharama za matibabu ya Mbunge wa Singida Mashariki, Tundu Lissu aliyelazwa katika Hospitali ya Nairobi nchini Kenya zimefikia Sh412.7 milioni. Amesema hayo wakati akizungumza na waandishi wa habari  mchana wa leo jijini Dar es Salaam,  ambapo amewataka watanzania  kuendlea kuchangia  gharama za matibabu ya Mbunge huyo. Aidha mwenyekiti huyo ameelezea msimamo wa chama hicho kutokuwa na imani na jeshi la polisi nchini kwa kile alicho kieleza kuwa jeshi hilo halijatoa ufafanuzi wowote kuhusu matukio kadhaa yakiwemo mauaji na kupotea kwa Ben Saanane aliyekuwa makamo wa Mwenyekiti wa chama hicho Lissu ambaye ni mwanasheria wa chama hicho, amelazwa hospitalini hapo tangu Septemba 7 aliposhambuliwa na kujeruhiwa kwa risasi akiwa maeneo ya nyumbani kwake Area D mjini Dodoma.

Wanajeshi wa Iraq wakishangiria Ushindi Marekani imeombakuwepo utulivu baada ya wanajeshi wa serikali ya Iraq kuteka mji wa Kaskazini mwa Iraq wa Kirkuk na vituo muhimu kutoka kwa wakurdi. Msemaji wa wizara ya mambo ya ndani Heather Nauert amezitaka penda zote kuzuia makabiliano zaidi. Wanajeshi wa Iraq walielekea Kirkuk wiki tatu zilizopita, baada ya eneo la Kurdistan kuandaa kura ya maoni ya uhuru iliyokumbwa na utata. Lengo lao ni kuteka sehemu zilizo chini ya udhibiti wa wakurdi tangu Islamic State wadhibiti eneo hilo. Wenyeji wa maeneo yaliyo chini ya udhibiti wa wakurdi ukiwemo mji wa Kirkuk, kwa wingi waliunga mkono kujitenga kutoka Iraq wakati wa kura ya tarehe 25 mwezi Septemba.

Kamanda wa Polisi Mkoa wa Tanga, Benedict Wakulyamba, amethibitisha kuendelea kwa mgomo wa madereva wa daladala zinazofanya kazi katikakati ya jiji hilo ulioanza jana asubuhi. Madereva hao wamegoma kufanya kazi kwa kile kinachodaiwa kupinga uonevu unaofanywa na Askari wa kikosi cha usalama barabarani ambapo wamekuwa wakiwatoza faini na kuwakamata bila makosa. “Ni kweli madereva wamegoma tangu jana lakini wengine kwenye baadhi ya maeneo wameanza kazi leo na wengine bado wamegoma na tunatarajia kukutana nao asubuhi hii kwaajili ya kuzungumza namna ya kutatua mgomo huo”,   amesema RPC Wakulyamba. Mapema wiki jana RPC Wakulyamba alithibitisha kukamatwa kwa madereva kumi wa mabasi na daladala kwa tuhuma za kuendesha vyombo vyao bila kufuata sheria na kanuni za usalama barabarani.

Mahakama Kuu ya Tanzania, Kanda ya Dar es salaam inatarajia kuanza kusikiliza ushahidi wa kesi ya mauaji bila kukusudia inayomkabili Msanii wa filamu nchini Tanzania, Elizabeth Michael maarufu kama ‘Lulu’. Kwa mujibu wa ratiba ya vikao vya kesi za mauaji ya bila kukusudia iliyotolewa na Mahakama Kuu, kesi ya Lulu itaanza kusikilizwa siku ya Oktoba 19/2017 mbele ya Jaji Sam Rumanyika. Lulu anakabiliwa na kesi hiyo akidaiwa kumuua Msanii mwenzake, Steven Kanumba bila kukusudia kinyume cha kifungu cha 195 cha kanuni za adhabu (PC), April 7/2012 nyumbani kwa marehemu Kanumba, Sinza Vatican. Lulu na Kanumba walidaiwa kuwa ni wapenzi ambao mapenzi yao yalikuwa na siri kubwa mpaka tukio la kifo lilipomkuta Kanumba ndipo ilipofahamika juu ya mahusiano yao.