KINARA

Watanzania wawili mume na mke waliotambulika kwa majina ya Baraka Malali na mkewe Ashura Mussa wamekamatwa na dawa za kulevya China katika uwanja wa ndege wa Baiyun Guangzhou wakiwa na mtoto wao mdogo wa miaka 2 ambaye amerudishwa leo nchini Tanzania Taarifa iliyotolewa na Kamishna wa Sheria za Madawa ya kulevya, Edwin Kakolaki amesema kuwa raia hao wa Tanzania Januari 19, 2018 uwanja wa ndege wa Baiyun Guangzhou, wakiwa wamemeza tumboni dawa za kulevya, walihifadhiwa kwenye chumba maalum kwa muda, Baraka alitoa pipi 47 kwa njia ya haja ambapo mkewe alitoa pipi 82. Serikali ya China iliwasiliana na serikali ya Tanzania kuhusiana na suala la mtoto huyo ambapo walikubaliana kumrudisha mtoto huyo nchini, mtoto huyo amewasili leo nchini Tanzania na Serikali kusema kuwa watafanya utaratibu wa kuhakikisha wanawatafuta ndugu wa watu hao ili waweze kuwakabidhi mtoto huyo.  Aidha Kakolaki amewataka Watanzania kuendelea kuwaombea wazazi ha...

Madiwani wa Halmashauri ya Buchosa wilayani Sengerema wamemuomba Waziri Mkuu Kassim Majaliwa aondoke na Mkurugenzi wa Halmashauri hiyo, Bw. Cyprian Luanda baada ya kutoridhishwa na utendaji wake. Wametoa ombi hilo leo katika kikao cha Waziri Mkuu na watumishi Halmashauri ya Buchosa akiwa katika siku ya kwanza ya ziara yake ya kikazi mkoani Mwanza. Waziri Mkuu baada ya kupokea ombi hilo amemuagiza Mkuu wa Mkoa wa Mwanza, Bw. John Mongella kwenda katika halmashauri hiyo na kufanya kikao cha pamoja kati ya Madiwani, Mkurugenzi na watumishi ili kubaini changamoto zilizopo na kuzitafutia ufumbuzi. Mbali na hayo Mh. Majaliwa ameweka jiwe la msingi la hospitali ya Halmashauri ya Buchosa wilayani Sengerema, ambapo ujenzi wake hadi kukamilika unatarajiwa kugharimu sh. bilioni 10.55. Pia Waziri Mkuu amezindua madarasa manne ya Kidato cha Tano na Sita katika Shule ya Secondari ya Nyehunge wilayani Sengerema na kuwataka wanafunzi wasome kwa bidii...

Tanzania kwa mara nyengine tena imechoma vifaranga 5,000 vya kuku vinavyodaiwa kuingizwa nchini humo kupitia mpaka wa Kaskazini wa Namanga kutoka Kenya. Kulingana na gazeti la Daily Nation nchini Kenya, katibu katika wizara ya mifugo nchini Tanzania Maria Mashingo, amesema kuwa mfanyibiashara aliyeingiza vifaranga hao nchini Tanzania hakuwa na vibali vinavyohitajika . Tanzania imesema kuwa hatua ya kuwachoma kuku hao inalenga kuzuia kuenea kwa homa ya ndege. ''Hakuna haja ya kuathiri sekta yote ya kuku kwa sababu ya vifaranga 5000'', Mashingo alinukuliwa na gazeti hilo akisema. Takriban miezi mitatu iliopita, Tanzania ilichoma vifaranga 6,400 vya kuku wenye thamani ya shilingi 577,000 waliopatikana katika mpaka huohuo , hatua ilioshutumiwa na wanaharakti wa wanyama kutoka mataifa yote mawili. Uamuzi huo pia ulisababisha vita vya kibiashara kati ya mataifa hayo jirani. Source BBC

Chama cha Wafanyakazi wa Serikali za Mitaa (TALGWU) kimelaani kitendo kikichofanywa na Mkuu wa Mkoa wa Dar es Salaam, Paul Makonda cha kuwavua madaraka hadharani watumishi na kusema ni kitendo cha kinyama alichofanya.  Katibu Mkuu wa Chama cha Wafanyakazi wa Serikali za Mitaa Tanzania (TALGWU), Rashid Mtima amesema hayo leo Februari 13, 2018 wakati akiongea na waandishi wa habari na kusema kitendo kilichofanywa na Mkuu wa Mkoa si cha kiuungwana. "Tunacholani ni kitendo cha Mkuu wa Mkoa akiwa kwenye mkutano wa hadhara kuhukumu watendaji wa Serikali za Mitaa hiyo haipo kisheria na tunaomba na kuwataka wanasiasa wafuate utaratibu katika kusimamia nidhamu ya watumishi. Sisi tunatambua na kusema kama chama kitendo alichofanya Mkuu wa Mkoa wa Dar es Salaam si tu cha kinyama lakini kimewadhalilisha watumishi wetu kwenye Serikali za Mitaa na imeonyesha kutoheshimiwa kwa utawala bora wa kisheria kinyume na haki za binadamu"  alisisitiza  ...

NAIROBI Mwanasheria mkuu wa Kenya Profesa Githu Muigai amejiuzulu baada ya kuhudumu kwa miaka sita na nusu. Rais Uhuru Kenyatta amemshukuru Profesa Githu kwa huduma zake na sasa jaji Paul Kihara Kariuki atachukua mahala pake . Rais Uhuru Kenyatta amemshukuru kwa huduma yake katika kipindi cha miaka sita na nusualichotumika kama mwanasheria mkuu . Ujumbe ambao umeandikwa katika mtandao wa twitter na jaji Paul Kiharara umeeleza hayo. Wakati wa vugu vugu la upinzani kushinikiza mwanasiasa   kinara wa muungano wa NASSA Raila Odinga kujiapisha kama rais wa wananchi wa Kenya Profesa Githu Muigai alikosoa jambo hilo na kuliita uhaini ambao adhabu yake ni kifo.

Rais wa Afrika Kusini Jacob Zuma amekubali kuachia madaraka ya kuongoza nchi hiyo, baada ya wito uliotolewa na chama chakle ANC kumtaka kujiuzulu ndani ya masaa 48. Makubaliano hayo ya kujiuzulu yamekuja na sharti kwamba atafanya hivyo baada ya miezi mitatu mpaka sita kuanzia sasa, na bado uongozi wa ANC haujatoa jibu kama umeridhia ombi hilo. Hapo jana chama cha ANC kikiongozwa na Cyril Ramaphosa ambaye alichukua wadhifa wa Zuma wa kukiongoza chama hiko, kilituma ujumbe maalum kumtaka rais huyo kuachia madaraka, kutokana na harakati nyingi za kumtaka afanye hivyo tangu mwaka jana. Jacob Zuma anakabiliwa na tuhuma za rushwa, na Bunge la nchi hiyo kujaribu kupiga kura za maoni ili kumuondoa lakini ilishindikana, na ndipo chama kuamua kuchukua uamuzi huo mgumu wa kumtaka afanye hivyo, la sivyo kitamtoa kwa nguvu.

Leo ikiwa siku ya Redio duniani Mwandishi wetu Alinanuswe Edward amezungumza na mmoja wa Wapiganaji kutoka Jeshi la wananchi wa Tanzania JWTZ ambaye ni mstaafu kwa sasa akijihusisha na Kilimo pamoja na ufugaji,mkoa wa Katavi ulio kusini magharibi mwa Tanzania. Mwandishi wa habari  Alinanuswe Edward  na mtangazaji wa Kipindi cha Kumekucha Tanzania cha Mpanda radio fm  akizungumza na msataafu wa Jeshi la Wananchi wa Tanzania JWTZ. Mzee Thomas Kandege Tanganyika. ( Redio ilikuwa kiungo muhimu katika kututia moyo askari tulio kuwa uwanja wa vita kati yetu na Nduri Idd Amini wa Uganda, hata sasa tunaona chombo hiki kikitumika kama siraha ya pekee katika kuunganisha hoja miongoni mwa wananchi na viongozi na kuchchoea uwajibikaji ) Amesema: Kauli mbiu ni usawa wa kijinsia katika michezo na kutangaza michezo pamoja na kuhusisha amani kupitia michezo. Maazimisho yanafanyika mjini Dodoma ambapo mgeni rasimi ni waziri wa habari sanaa na michezo Dk Harisson Mwakyembe...

KATAVI Wananchi mkoani   Katavi   wamevipongeza   vyombo vya habari kwa kuhabarisha umma kuhusu mambo mbali mbali ya kimaendeleo katika jamii. Wameeleza kuwa   kupitia   redio   wananchi wamepata upeo wa kujua nguvu ya kusema na kukosoa ikiwemo chochea Uwazi na uwajibikaji miongoni mwa jamii na serikali. Halikadharika   wameshauri vyombo vya habari nchini kujikita na vipindi vinavyoelimisha na vinavyojenga maadili kwani vyombo vya habari ndiyo kioo cha jamii na taifa kwa ujumla. Maadhimisho ya redio ambayo yatafanyika mjini Dodoma na kujumuisha waandishi wa vyombo vya habari vya jamii kutoka Tanzania bara na visiwani. Kauli mbiu ni usawa wa kijinsia katika michezo na kutangaza michezo pamoja na kuhusisha amani kupitia michezo.

MPANDA Chama  cha walemavu mkoa wa katavi manispaa ya Mpanda (SHIZAWATA)  kimesema kuwa mpaka sasa  hakijapatiwa pesa za mkopo kwa walemavu kutoka Manispaa. Hayo yamesemwa na mwenyekiti wa walemavu shirikisho la wasioona mkoa wa katavi bwana Izack Lukasi Mlela wakati akizuingumza na mpanda radio ofisini kwake. Hata hivyo bwana Izack amesema kuwa serika;li imewapatia maeneo yakufanyia biashara za ujasiriamali katika soko la misunkumilo lakini  mpaka sasa haijawakabidhiwa kutokana na vikundi vya walemavu ambavyo vilikuwa vimesajiliwa  kutowezeshwa. Halmashauiri ya manispaa ya Mpanda ilitangaza kutenga kiasi cha asilimia 2 kutokana na mapato yake ya ndani kwa ajili ya kuwawezesha watu wenye ulemavu  kila mwaka.

MPANDA Baadhi ya wanawake mkoani katavi wamesema wanashindwa kutumia njia za uzazi wa mpango kutokana na kukosa elimu sahihi juu ya uzazi. Wanawake hao wameiambia mpanda Radio kuwa   moja ya changamoto ni imani potofu na baadhi ya wanaume kutotaka kushiriki katika njia za uzazi wa mpango. Kwa upande wake muuguzi anayesimamia huduma ya baba,mama na mtoto katika zahanati ya kata ya Kakese Yusuph Jabil Ally amesema kuwa wanawake wengi wamekuwa wanaogopa kupata ushauri juu ya ya njia salama za uzazi wa mpango Bwana Ally ametoa wito kwa wakazi kuachana na imani potofu juu njia za uzazi wa mpango ili kujikinga na mimba zisizotarajiwa na kupanga familia ya watoto ambao watakuwa na uwezo wa kuwatunza.

Rais wa Afrika Kusini Jacob Zuma amepewa saa 48 kujiuzulu, wadhfa wake huo. Kwa mujibu shirika la Utangazaji la Afrika Kusini -SABC- na vyanzo vingine vya habari, hatua hii inakuja baada ya mlolongo wa mazungumzo yaliyofanywa na chama tawala cha nchini humo ANC. Duru zinasema ANC kilifanya mazungumzo marefu baadaye kuwatuma watu wawili nyumbani kwa Rais Zuma jijini Pretoria kwenda kumfikishia ujumbe wa chama ana kwa ana ya kwamba Zuma ajiuzulu mwenyewe au chama kimng'oe madarakani. Lakini haijulikani bado kwamba Rais Zuma alipokeaje ujumbe huo. Hatua hii ya ANC inaonekana ndio njia rahisi zaidi ya chama hicho kumng'oa rais Zuma madarakani badala ya kusubiri utaratibu wa bunge ambao ungeweza kuwa mrefu na wenye madhara zaidi kwa chama cha ANC. Rais Jacob Zuma ambaye anakabiliwa na mashtaka kadhaa ya rushwa, alishindwa uongozi wa chama tawala Desemba mwaka jana.

Makamu wa Rais, Mh. Mama Samia Suluhu Hassan, amesema  Serikali inajitahidi kujenga na kutanua vituo vya Afya ili  kupunguza msongamano kwenye hospitali za Wilaya. Makamu wa Rais ametoa kauli hiyo leo wakati wa kuweka jiwe la msingi la upanuzi wa kituo cha Afya Ihongole kilichopo mjini Mafinga. Mh. Samia ambaye yupo kwenye ziara ya kuhamasisha  shughuli za kimaendeleo  mkoani Iringa  leo ametembelea Wilaya ya Mufindi na kuweka mawe ya msingi katika miradi miwili ikiwa mmoja ni wa kujenga maabara ya kisasa na madarasa ya kidato cha tano na sita katika Sekondari ya Mgololo na upanuzi wa kituo cha Afya cha Ihongole kilichopo Mafinga. Akiwahutubia wananchi, amesema  katika kila kituo cha afya kinachopanuliwa ama kujengwa, Serikali imezingatia huduma za mama na mtoto ili kupunguza vifo vya akinamama na watoto, na kuborsha huduma za upasuaji . Serikali imetoa shilingi milioni 500 kwa ajili ya upanuzi wa kituo hicho na ...

NSIMBO Baadhi ya wakazi wa kijiji cha Kapanda halmashauri ya Nsimbo mkoani Katavi wameutuhumu uongozi wa kijiji hicho kwa kushindwa kushughulikia utatuzi wa tatizo la   uhaba wa maji safi na salama. Kwa kiasi kikubwa wahanga wa tatizo hilo wakiwa ni wanawake wameiambia Mpanda radio, kuwa muda mwingi unatumika kutafuta maji kuliko kufanya shughuli za kimaendeleo. Mmoja wa viongozi Bw Maiko Chananza amekiri kuwepo kwa tatizo hilo huku akizitupia lawama mamlaka zingine kwa kushindwa kuwajibika. Sera ya maji ya taifa inataka maeneo ya vijijini maji yapatikane kila umbali wa mita 400 jambo ambalo mpaka sasa limebaki na utata.

MPANDA Wananchi katika manispaa ya Mpanda mkoani katavi wamepongeza hatua ya manispaa   kununua lori jipya la kubebea takataka Wakizungumza na mpanda Radio kwa nyakati tofauti wananchi hao wamesema kununuliwa kwa lori hilo kumekuja wakati muafaka hasa ikizingatiwa kulikuwa na uchafu uliokithiri katika maeneo mbalimbali Aidha wameitaka manispaa kuhakikisha lori linaendelea kufanya kazi ili kuuweka mji wa mpanda safi. Wiki iliyopita halmashauri ya manispaa ya mpanda ilitangaza ununuzi wa lori jipya la kubebea taka lenye uwezo wa kubeba tani 16 kwa zaidi ya shilingi milioni 159

Serikali ya Tanzania inasema kuwa inajiondoa katika mpango wa Umoja wa mataifa wa kuwasaidia wakimbizi kuanza maisha mapya katika mataifa yanayowahifadhi. Tanzania limekuwa eneo salama kwa wakimbizi wengi na sasa inahifadhi zaidi ya wakimbizi 250,000 wa Burundi ambao walitoroka mzozo. Rais John Pombe Magufuli amesema kwamba Tanzania inajiondoa kutokana na tatizo la usalama pamoja na lile la kifedha .

TANGANYIKA Mkuu wa wilaya ya Taganyika  mkoani Katavi Salehe Mhando amewataka wananchi kuchagamkia fursa za uwekezaji katika mwambao wa ziwa Tanganyika. Kauli hiyo ameitoa wakati wa mahojiano na mpanda radio ambapo ameitaja wilaya hiyo kuwa utajiri wa misitu ya utarii, ikiwemo masuala ya Uvuvi. Katika hatua nyingine ameeleza mikakati ya serikali kuwa ni pamoja na kuimarisha miundo mbinu itakayo enda sambamba na ukuaji wa masuala ya kibiashara kati ya wilaya hiyo na wilaya nyingine. Wilaya ya Tanganyika inaumri wa mwaka mmoja na nusu tangu kuanzishwa kwake huku ikitajwa kuwa kinara wa uzalishaji wa mazao ya chakula kwa mkoa wa Katavi.

MPANDA Chama cha waalimu Tanzania wilaya ya Mpanda  mkoani katavi kimetoa jumla ya  bati 100 kwa waalimu watano waliostaafu mwaka jana Katibu wa Chama hicho mkoa wa katavi hamisi chinahova akikabidhi bati hizo  amesema hiyo ni  moja ya kuwaenzi na  kutambua kazi za waalimu kupitia chama hicho huku akiwasihi  kutumia na kuenzi zawadi hiyo kwa kuweka alama itakayowatambulisha mchango wa waalimu kwao. Akizungumza kwa niaba ya wastaafu hao mwali  mery nkumbae amesema kupitia zawadi hiyo ya bati kutawasaidia kuboresha maisha hao. Awali Kabla Katibu wa CWT wilaya ya Mpanda mwalimu Wison masolwa  amesema Bati hizo 100  zenye jumla ya thamani ya zaidi ya shilingi milioni moja zimetolewa kwa wastaafu watano kwa kila mmoja bati 20 .

Muhubiri moja nchini Afrika Kusini anayejiita 'nabii' anayewapulizia wafuasi wake dawa ya kuua wadudu ,doom, amepatikana na hatia ya unyanyasaji vyombo vya habari vimeripoti . Lethebo Rabalago, maarufu 'Muhubiri wa doom' a me patikana na hatia ya kukiuka sheria ya kukabiliana na wadudu. Rabalago anadai kwamba dawa hiyo ya wadudu aliyoitumia 2016 inaweza kutibu saratani na virusi vya ugonjwa wa ukimwi. Lakini bado hukumu haijatolewa baada ya kutolewa kwa uamuzi huo na jaji wa mahakama ya Limpopo.

Katibu Mkuu wa (CHADEMA), Dk. Vicent Mashinji amedai wametumia siku mbili kutafuta viwanja kwa ajili ya kuaga mwili wa kada wake maarufu aliyekuwa kwenye timu ya kampeni za uchaguzi mdogo Jimbo la Kinondoni, Richard Hiza Tambwe lakini wamenyimwa. Mashinji amesema hayo leo Februari 10, 2018 wakati wa kuaga mwili wa Richard Tambwe tukio ambalo limefanyika nyumbani kwa marehemu Mbagala jijini Dar es Salaam na baadae kwenda kupumzishwa mwili wake katika makaburi ya Chang'ombe. "Ndugu waombolezaji Taifa letu linaanza kujifunza ustaraabu mpya ambao sisi tuliopo hapa tunatakiwa tuchague kuupenda au kuuchukia kwa sababu uchaguzi huu utabaki kuwa kwetu lakini siyo kwa wale wanaotufundisha ustarabu huu, tumetumia siku mbili tunazunguka kutafuta viwanja ila kila sehemu ukigusa wanasema CHADEMA siasa, baadae mpaka kikao cha jana jioni tumekaa hapa na kaka zangu hapa tukasema lakini huyu si alikuwa na nyumbani kwake? Sasa hata hapa nyumbani watatu...

Mkuu wa wilaya ya Tanganyika mkoani Katavi Salehe Mhando amesema hatuvumilia kufukuzwa kwa wanafunzi kwaajili ya michango ya shuleni. Katika Mazungumzo yaliyofanywa na Mpanda Radio Fm ambapo ameeleza kuwa kitendo hicho licha ya kupingana na agizo la serikali, lakini pia kinamuathiri mwanafunzi kisaikolojia.  Ametoa ufafanuzi kuwa  michango ambayo inaendelea Katika wilaya hiyo ni ile ambayo inaendeshwa na wazazi wenyewe kama vile chakula kwa wanafunzi. Katika hatua nyingine amewashukuru wananchi wa wilaya hiyo Kuendelea naujenzi wa vyumba vya madarasa ili kupungu za msongamano wa wanafunzi

MPANDA Halmashauri ya manispaa ya Mpanda imenunua lori jipya la kuzoa taka ili kukabiliana na mrundikano wa takataka mji hapa. Akizungumza wakati wa kukabidhi lori hilo kwa meya wa manispaa ya mpanda William Mbogo mkuu wa wilaya ya Mpanda bi lilian matinga amepongeza hatua hiyo na kuiomba manispaa kulitunza gari hilo Kwa upande wake Mstahiki meya wa manispaa ya Mpanda William Mbogo ameto shukrani kwa baraza la madiwani kwa kukubali wazo la kubadili fedha za ununuzi wa lori hilo ambazo awali zilielekezwa kununua gari la Meya wa Manispaa Kwa mjibu wa Kaimu mkuruingenzi wa Manispaa ya Mpanda Deodatus Kangu, amesema fedha zote sh milioni 159 zilizotumika kununua gari hilo ni makusanyo ya ndani ya manispaa na kueleza jinsi lori hilo litakavyosaidia katika uzoaji wa taka Manispaa ya Mpanda huzalisha kiasi cha taka tani sabini nukta tano kwa siku hivyo kununuliwa kwa lori hilo lenye uwezo wa kubeba tani 16 linatarajiwa kuondoa mrundikano wa taka katika vizimba mbalimbali ...

Jaji Mkuu nchini Kenya David Maraga, ameilaumu serikali ya nchi hiyo kwa kufanya maamuzi kinyume cha Sheria na Katiba ya nchi hiyo katika kukabiliana na upinzani. Jaji Maraga ametoa kauli hiyo ikiwa imepita masaa kadhaa tokea kufukuzwa kwa mwanasheria maarufu ambaye alikuwa miongoni mwa watu walioshuhudia kuapishwa Raila Odinga katika viunga vya 'Uhuru Park' kufukuzwa nchini humo na kupelekwa Canada huku akiwa chini ya uangalizi wa serikali. Katika maelezo yake Jaji Maraga, amesema malalamiko yaliyopelekwa Mahakamani yalikuwa wazi na majukumu ya kufanyia maamuzi yalikuwa ya Mahakama kutokana na kwamba ndio chombo pekee cha kutetea haki kwa kila mmoja pamoja na serikali yenyewe. Jaji huyo ametoa tamko hilo la kuionya serikali kwa kushindwa kutii sheria kutokana na kitendo cha serikali ya Kenya kuonekana kudharau maamuzi ya mahakama

MPANDA Sera ya matibabu bure kwa mama mjamzito katika manispaa ya Mpanda mkoani Katavi imeonekana kutiliwa maanani hali ambayo husaidia kupunguza vifo vya mama wajamzito na watoto. Wakizungumza na mpanda redio baadhi ya mama wajawazito wamesema wanaishukuru sarikali kwa kuanzisha sera hiyo kwani    wanatibiwa bure bila usumbufu wowote. Hata hivyo wameiomba serikali kuboresha huduma ili kupunguza magonjwa mbalimbali kipindi chote cha ujauzito hadi kujifungua. Niwajibu    wa kila mtu kumlinda mtoto na kuhakikisha anapata huduma zote muhimu ili kumjenga mtoto kimwili na kiakiri.

KATAVI Mkuu wa Kikosi cha Usalama barabarani Mkoa wa Katavi RTO John Mfinanga amesema hatamfumbia macho asikali yeyote wa Usalama barabarani atakaye jihusisha na kupokea rushwa ikiwemo uvunjaji wa sheria wakati wa majukumu. Hayo yanajili leo ikiwa kesho utafanyika uzinduzi wa Wiki ya nenda kwa Usalama mkoa wa Katavi ambapo ameeleza kuwa elimu ya Usalama barabarani itajumuisha wadau mbali mbali, kama vile Madereva piki piki,  chuo cha ufundi Veta, Wakala na wananchi. Katika hatua nyingine amewataka waendesha vyombo vya moto kujitokeza ili waendelee kupata elimu ikiwemo mikakati ya Jeshi hilo katika kuimarisha hali ya Usalama barabarani. Kwa upande wa mwenyekiti wa Chama cha boda boda mkoa wa Katavi Stefano Asalile Mwakabafu amewataka waendesha piki piki wote kuwa na kofia mbili ngumu Helmet kwaajili ya dereva na abiria. Kauli Mbiu ya Wiki ya Nenda kwa usalama ni Tii  Sheria Ukoa Maisha Kataa Rushwa.

NAIROBI: Mbunge mwingine nchini Kenya, amekamatwa kuhusiana na mzozo unaozunguka kujiapisha kwa aliyekuwa waziri mkuu Raia Odinga kwa kile anachokitaja kama rais wa watu wa Kenya. Mbunge wa Makadara jijini Nairobi George Aladwa  amekamatwa mapema  nyumbani kwake na maafisa wa idara ya upelelezi na kupelekwa hadi makao makuu ya idara hiyo kwa mahojiano zaidi. Aladwa ambaye amewahi kuwa meya wa jiji la Nairobi, alikuwa katika mstari wa mbele katika mipango ya sherehe hizo . Aladwa sasa ni mbunge wa pili kukamatwa kuhusiana na hafla hiyo ambayo pia imeshutumiwa na jamii ya kimataifa.

Together Tunawakil Rais wa Jamhuri ya Muungano wa Tanzania Dkt. John Pombe Magufuli amewatunuku kamisheni maofisa wanafunzi 197 wa Jeshi la Wananchi wa Tanzania (JWTZ). Sherehe hizo zimefanyika leo Februari 3, 2018 katika viwanja vya Ikulu jijini Dar es salaam, ambapo maofisa hao wapya ni wa Tanzania na kutoka nchi marafiki,  waliopata mafunzo katika Chuo cha Mafunzo ya Kijeshi Monduli mkoani Arusha.  Katia tukio hilo ambalo lilipambwa na magwaride kutoka kwa Wanajeshi hao, lilihudhuriwa na viongozi mbali mbali wa Kitaifa. Miongoni mwa waliotunukiwa kamisheni hizo wanawake ni 28, na waliobaki ni wanaume.