Waziri wa mambo ya nje wa China aanza ziara yake barani Afrika




Waziri wa mambo ya nje wa China Bw. Wang Yi amesema China iko tayari kuimarisha mawasiliano na Rwanda katika nyanja mbalimbali kutoka uongozi hadi utamaduni.

Bw. Wang sasa yuko ziarani barani Afrika, ambako Rwanda ni kituo cha kwanza katika ziara hiyo. Jana alipokutana na rais Paul Kagame wa Rwanda, mjini Kigali, Bw. Wang alipongeza uhusiano mzuri kati ya nchi hizo mbili unaotokana na maelewano, kuaminiana na kuungana mkono kwa muda mrefu.

Amesema Rwanda imejipatia njia ya maendeleo endelevu inayoungwa mkono na wananchi wake, na kwamba China inapenda kuimarisha mawasiliano na Rwanda katika uzoefu wa uongozi wa nchi na kuzidisha hali ya kuaminiana kisiasa.

Kwa upande wake, rais Kagame alisema Afrika inaiamini China na inapenda kuona China ikifanya kazi muhimu zaidi barani humo. Ameishukuru China kutokana na uungaji mkono na mchango wake kwa maendeleo ya Rwanda.

Wakati huohuo, kwenye mkutano na waandishi wa habari baada ya kukutana na rais Kagame, Bw. Wang amesema mawaziri wa mambo ya nje wa China wanaichukulia Afrika kuwa ya kwanza katika ziara ya kila mwaka, hii inaonesha kuwa Afrika siku zote ni kipaumbele cha diplomasia ya China. 

Amesema desturi hiyo imedumu kwa miaka 28 na China ni rafiki na mwenzi anayetegemewa zaidi na ndugu wa Afrika.

Bw. Wang pia ameeleza matarajio ya nchi yake kuhusu mkutano wa kilele wa Baraza la Ushirikiano kati ya China na Afrika utakaofanyika mjini Beijing mwaka huu, akisema FOCAC ni njia muhimu ya kufanya mazungumzo ya pamoja na kuimarisha ushirikiano wa kunufaishana kati ya China na Afrika, na pia ni jukwaa kubwa na lenye matunda mengi zaidi kwa nchi 29 wanachama wa ushirikiano wa Kusini na Kusini.

 Amesema mkutano wa kilele wa FOCAC uliofanyika Johannesburg ulipata mafanikio makubwa na China inapenda kushirikiana na marafiki wa Afrika kufanya mkutano wa mwaka huu na kuupeleka kwenye ngazi ya juu zaidi.

Amesema nchi nyingi za Afrika zinapongeza na kuunga mkono pendekezo la Ukanda Mmoja na Njia Moja lililotolewa na rais Xi Jinping na China inapenda kuingiza uhai mpya kwenye ushirikiano na Afrika kwa kupitia kujenga kwa pamoja pendekezo hilo.

Baada ya kumaliza ziara yake nchini Rwanda, Bw. Wang aliendelea na ziara yake nchini Angola, ambapo alikutana na rais Joao Lourenco wa nchi hiyo mjini Luanda. Bw. Wang alisema China inaiunga mkono Angola katika kutafuta njia ya maendeleo inayolingana na hali ya nchi hiyo, kuhimiza mkakati anuwai wa uchumi na kuongeza uwezo wa kujiendeleza.
Ameongeza kuwa China inapenda kuimarisha ushirikiano wa kivitendo na Angola, kuinua uhusiano wa pande mbili kwenye ngazi mpya na kupanua maeneo yatakayofanyiwa ushirikiano.

Kwa upande wake, rais Lourenco alisema ushirikiano wa pande mbili umepata mafanikio mengi baada ya nchi hizo kuanzisha uhusiano wa kibalozi miaka 35 iliyopita.

 Ameishukuru China kutokana na uwekezaji na msaada wake wa kifedha, ambao umefanya kazi muhimu katika kujenga amani nchini Angola, ambako vita ilimalizika mwaka 2002 baada ya kudumu kwa miaka 27.

 source CRI.

Comments

Post a Comment

Popular posts from this blog

SAKATA LA KATA YA KATUMBA HALMASHAURI YA NSIMBO MKOANI KATAVI KUKOSA DIWANI LAIBUA MJADALA MPANA

Image
Mwenyekiti wa halmashauri ya wilaya ya Nsimbo mkoani Katavi Mh Raphael Kalinga amesema tayari ametoa taarifa kwa katibu mkuu kuarifu kuhusu aliyekuwa diwani wa Kata ya Katumba katika halmashauri hiyo kufungwa miaka mitatu jera kwa kosa la kupokea na kushawishi rushwa. Akizungumza na Mpanda radio fm mapema leo kupitia kipindi cha Kumekucha Tanzania Karinga amesema halmashauri inajipanga kwenda katika kata hiyo ili kukutana na watendaji ambao wamekuwa hawatoi ushirikiano kwa Diwani wa viti maalumu katika kata hiyo, akieleza kuwa suala hilo lina leta mkwamo wa maendeleo kwa wananchi. Katika hatua nyingine amesema wanasubiri maelekezo kutoka ngazi za juu kujua hatima ya suala hilo. Mapema siku ya jana Mbunge wa viti maalumu kupitia chama cha Demokrasia na maendeleo Chadema Mh Rhoda Kunchela amesema kitendo cha wananchi wa kata hiyo kukosa Diwani hakikubaliki kwani kinadhoofisha jitihada za maendeleo  ya wananchi. Diwani wa kata hiyo Seneta Baraka alifungwa mwaka jana miaka 3...
Read more

MATOKEO YA DARASA LA SABA SHULE ZA SERIKALI CHALI

Image
Baraza la Mitihani Taifa NECTA limetangaza matokeo ya kuhitimu elimu ya msingi mwaka 2017, na kusema kuwa ufaulu umeongezeka kwa 2.4% ukilinganisha na ule wa mwaka jana 2016. aarifa hiyo imetolewa na Katibu Mtendaji wa wa NECTA Dkt. Charles Msonde, na kusema kuwa watahiniwa 662,035 kati ya 909,950 waliofanya mtihani huo wamefaulu kwa kupata alama 100 na zaidi, kati ya alama 250 ambazo walitakiwa kupata. Dkt. Msonde ameendelea kusema kwamba kati ya waliofaulu wasichana ni 341 020 ambayo ni sawa na 70.93% na wavulana ni 321, 015, ambao ni sawa na 74.80%, na idadi ya watahiniwa wote waliofaulu ni sawa na asilimia 72.76%. Katibu Mkuu huyo aliendelea kwa kusema kwamba ufaulu  katika masomo ya Kiswahili, Kingereza na Hisabati umepanda kati ya 4.25% na 10.05% ukilinganisha na mwaka jana, huku masomo ya Sayansi na Maarifa ya Jamii ukishuka kati ya 3.56% na 13.97%. Sambamba na matokeo hayo pia Dkt. Msonde amezitaja shule bora zili...
Read more

Wanawake wa kijiji cha Kabuga kata ya Kanoge Wilayani Mpanda/Katavi wamewalaumu viongozi kwa ahadi hewa.

Image
Zaidi ya wakazi 1000 wa kijiji cha Kabuga katika kata ya Kanoge mkoani Katavi wanakabiliwa na adha ya maji safi na salama. Baadhi ya Wanawake katika eneo hilo wamewalaumu viongozi wa kijiji hicho kutokana na kushindwa kutatua tatizo hilo, na wengine wamesikika wakisema walipewa ahadi hewa kipindi cha uchaguzi wa 2015. Miongoni mwao wameeleza kuwa utawala wa serikali ya kijiji hicho, umeingiza udanganyifu hata katika mambo ya msingi kama vile huduma za kijamii. j Mwandishi wa habari Alinanuswe Edward akimhoji mkazi wa kijiji cha Kabuga katika kisima cha maji kinachotumika na wakazi wa eneo hilo "Tulifanya makosa kipindi cha uchaguzi kwa kuchagua viongozi wasio weza kututekelezea mahitaji yetu Nathaniel hili ni funzo zote kwetu"Amesema Mama Rozi katika mahojiano. Mwenyekiti wa kijiji hicho Benjamini Ezekiel amekili kuwepo kwa tatizo hilo na kueleza jitihada za serikali kuwa ni kuongeza idadi ya vizima ili viweze kukidhi mahitaji ya wakazi. Lakini visa ...
Read more