BOMBA LA MAFUTA GHAFI KUTOKA HOIMA MPAKA TANGA LITAITOA KIMASO MASO AFRIKA MASHARIKI


Rais Yoweri Museven

WAKATI mchakato wa kuanza uchimbaji wa mafuta nchini Uganda ukishika kasi, Rais wa nchi hiyo, Yoweri Museveni amesisitiza kuwa sasa ni zamu ya nchi za Afrika Mashariki, ikiwemo Uganda, kukua, kuendelea na kufanya mapinduzi makubwa ya kiuchumi.
“Afrika Mashariki tuna kila kitu, hakuna kitakachotuzuia kupiga kasi katika maendeleo. Katika ukanda huu, hakuna mkulima wa kawaida atakayerithisha kazi ya kilimo kwa mwanaye, wakulima wanapaswa kuwa na watoto wasomi watakaoendeleza nchi hizi,” anasema.
Museveni amekuwa akiyarudia hayo mara kwa mara, na mara ya mwisho aliyasema hayo akiwa Tanzania mwanzoni mwa mwezi huu, wakati wa uzinduzi wa bomba la mafuta litakaloanzia Hoima, nchini Uganda hadi Chongoleani, nje kidogo ya Jiji la Tanga, Tanzania.
Bomba hilo, moja ya mabomba marefu ya mafuta duniani, linatarajiwa kugharimu Dola za Marekani bilioni 3.5 (zaidi ya Sh trilioni 7.5), linatarajiwa kukamilika mwaka 2020 na hivyo kuanza kuungana na nchi nyingine wazalishaji wa mafuta duniani.
Alisema licha ya mradi wa bomba hilo kuhusisha nchi za Tanzania na Uganda, lakini manufaa yake yatakuwa kwa nchi zote za Afrika Mashariki, kwani kuna uwezekano wa kunufaika nayo kwa njia nyingi, achilia mbali kwa usafirishaji wa mafuta pekee.
Ujenzi wa bomba hilo unaofanywa na kampuni za Total E&P, CNOOC na Tullow Oil kwa kushirikiana na Serikali za Uganda na Tanzania, utakuwa na urefu wa kilometa 1,445, kati ya hizo kilometa 1,149 likiwa katika mikoa minane na wilaya 24 za Tanzania Kilometa 296 tu zitakuwa za nchini Uganda.
Litakuwa na uwezo wa kusafirisha mapipa 216,000 kwa siku. Rais Museveni ambaye baada ya kurejea Kampala aliunda kamati kadhaa za kuharakisha mchato wa ujenzi wa bomba hilo na uchimbaji wa mafuta, alisema kutokana na Serikali ya Tanzania kuondoa tozo nyingi ili kufanikisha mradi huo, ana uhakika uzalishaji utakapoanza, Uganda itavuna pesa nyingi kama itakavyokuwa pia kwa Tanzania itakayotoza Dola za Marekani 12.5 (sh 26,500) kwa kila pipa.
Alisema manufaa hayatabaki kwa nchi hizo tu, bali Afrika Mashariki yote kwa ujumla, hivyo alizitaka nchi wanachama wa EAC kuuangalia mradi huo kama mali ya nchi zote, kwani kwa kadiri mafuta yanavyoendelea kugunduliwa katika nchi nyingine, kuna uwezekano wa baadaye nchi nyingine jirani zikatumia miundombinu hiyo kusafirisha mafuta katika nchi za Afrika Mashariki.
“Tayari kuna dalili upatikanaji wa mafuta Mashariki mwa Jamhuri ya Kidemokrasia ya Kongo (DRC) na Turkana, pia kuna uwekezano mkubwa wa kupatikana mafuta katika nchi za Rwanda, Tanzania na Burundi, hivyo naamini bomba hili litakuwa na manufaa makubwa,” alisema.
Katika hafla hiyo ya kihistoria, Museveni alisisitiza nchi za EAC zimebahatika kuwa na utajiri wa rasilimali zinazoweza kufanya mapinduzi makubwa ya kiuchumi katika ukanda husika, hivyo wananchi wake kuwa katika nafasi kubwa ya kuondokana na umasikini.
Alisema nchi za EAC zinapaswa kuachana na utamaduni wa kuzalisha vitu tusivyovitumia na kutumia tusivyovizalisha, akiongeza kuwa, vimechangia kuirudisha nyuma Afrika Mashariki na Afrika kwa ujumla, huku wanaotoka nje ya Afrika wakinufaika zaidi.
”Tuna utajiri mkubwa, Afrika Mashariki hakuna kurudi nyuma tena,” alisema na kusifu misimamo ya marais wa zamani, Kwame Nkrumah wa Ghana na Mwalimu Julius Nyerere wa Tanzania katika kupigania haki za Waafrika.

Comments

Post a Comment

Popular posts from this blog

DKT.NDUGULILE ATAWAZWA KUWA CHIFU MWANYINGA WA KABILA LA WASAFWA MKOANI MBEYA

Image
Naibu Waziri wa Afya, Maendeleo ya Jamii, Jinsia, Wazee na Watoto Mhe. Dkt. Faustine Ndugulile amesimikwa rasmi kuwa chifu wa kabila la Wasafwa linalopatikana katika mkoa wa Mbeya . Dkt. Ndugulile amesimikwa uchifu huo wakati wa ziara yake mkoani Mbeya yenye lengo la kuamsha ari ya wananchi kushiriki katika shughuli za maendeleo katika maeneo yao. Dkt. Ndugulile amesema kuwa Wizara yake imeamua kufuatilia utekelezaji wa Sera ya Maendeleo ya Jamii katika ngazi za Sekretarieti za Mikoa na Mamlaka za Serikali za Mitaa kwa kushiriki kwa vitendo kwa kufanya kazi na jamii kwenye miradi ya ujenzi wa miundombinu ya elimu, afya, kilimo, barabara, viwanda na maji, nk. Ameongeza kuwa lengo la ziara hiyo ni kufuatilia namna ya utekelezaji wa Sera ya Maendeleo ya Jamii ambayo inasisitiza ushirikishwaji wa jamii katika maamuzi, kupanga, kutekeleza, kufuatilia na kutathmini shughuli au miradi ya maendeleo ikiwemo upanuzi na uendelezaji wa miundo mbinu mijini na vijijini kama Shule, Barabara, Zaha...
Read more

Wanawake wa kijiji cha Kabuga kata ya Kanoge Wilayani Mpanda/Katavi wamewalaumu viongozi kwa ahadi hewa.

Image
Zaidi ya wakazi 1000 wa kijiji cha Kabuga katika kata ya Kanoge mkoani Katavi wanakabiliwa na adha ya maji safi na salama. Baadhi ya Wanawake katika eneo hilo wamewalaumu viongozi wa kijiji hicho kutokana na kushindwa kutatua tatizo hilo, na wengine wamesikika wakisema walipewa ahadi hewa kipindi cha uchaguzi wa 2015. Miongoni mwao wameeleza kuwa utawala wa serikali ya kijiji hicho, umeingiza udanganyifu hata katika mambo ya msingi kama vile huduma za kijamii. j Mwandishi wa habari Alinanuswe Edward akimhoji mkazi wa kijiji cha Kabuga katika kisima cha maji kinachotumika na wakazi wa eneo hilo "Tulifanya makosa kipindi cha uchaguzi kwa kuchagua viongozi wasio weza kututekelezea mahitaji yetu Nathaniel hili ni funzo zote kwetu"Amesema Mama Rozi katika mahojiano. Mwenyekiti wa kijiji hicho Benjamini Ezekiel amekili kuwepo kwa tatizo hilo na kueleza jitihada za serikali kuwa ni kuongeza idadi ya vizima ili viweze kukidhi mahitaji ya wakazi. Lakini visa ...
Read more

MATOKEO YA DARASA LA SABA SHULE ZA SERIKALI CHALI

Image
Baraza la Mitihani Taifa NECTA limetangaza matokeo ya kuhitimu elimu ya msingi mwaka 2017, na kusema kuwa ufaulu umeongezeka kwa 2.4% ukilinganisha na ule wa mwaka jana 2016. aarifa hiyo imetolewa na Katibu Mtendaji wa wa NECTA Dkt. Charles Msonde, na kusema kuwa watahiniwa 662,035 kati ya 909,950 waliofanya mtihani huo wamefaulu kwa kupata alama 100 na zaidi, kati ya alama 250 ambazo walitakiwa kupata. Dkt. Msonde ameendelea kusema kwamba kati ya waliofaulu wasichana ni 341 020 ambayo ni sawa na 70.93% na wavulana ni 321, 015, ambao ni sawa na 74.80%, na idadi ya watahiniwa wote waliofaulu ni sawa na asilimia 72.76%. Katibu Mkuu huyo aliendelea kwa kusema kwamba ufaulu  katika masomo ya Kiswahili, Kingereza na Hisabati umepanda kati ya 4.25% na 10.05% ukilinganisha na mwaka jana, huku masomo ya Sayansi na Maarifa ya Jamii ukishuka kati ya 3.56% na 13.97%. Sambamba na matokeo hayo pia Dkt. Msonde amezitaja shule bora zili...
Read more